22-11

疲倦-------------------開心----------------------傷心

估唔到自己咁快就有工返,公司又係沙田區近住第一城....返左兩日感覺都ok,只係對於d貨物放係邊有點困難外,其它都ok既!!!!呢份工最好就係返5日,星期六排7個星期先會返一次仲要係返3個鐘,正到暈!!!希望快d上手啦,唔駛麻煩到d同事!!!!

忙碌的一天!!

早上去左kln bay見一間科技公司既倉務員,大致上都無問題,不過都係要等消息啦....一出門口就電話響,昨日見嗰份工再叫我下晝4點去second in,突然間要我決擇返屋企先定係遊盪下,因為太多時間先到4點下決定左返屋企........

返到屋企,收到leo少既電話話今日放假有無野做,我second in 左之後就去太子mtr join佢,去左馬會買今期六合彩,大家仲發左發達夢添,如果我中左$3千幾萬既話,即請佢,steve同joe去旅行唔駛等到3月咁耐,仲送部samsung tv俾佢

,而佢就話開一間'Lve Hotel',我馬上話好+正呀!!!!大家仲要有主題既房間&特別既工具(18+),收$600兩粒鐘...一定賺!!!!!!!!跟住一直由mk行到去佐敦食呢個'譚仔雲南米線',之後去左機鋪玩'鬥地主',太傷腦筋既一個遊戲了仲要俾錢玩添,搵多一個人玩好過.....下一目的地居然去左尖東海旁,兩條友仔去7仔買野飲後就步向海旁,忍唔住咁漂亮既維港夜景大家都映左張相,可惜無攞相機出街只好用手機,

 N70映相真係唔得..唉!!!!兩支公一直沿住海旁行返去尖東那邊,沿途上都見到好多拖友啦,同志們啦...最重要既係pretty girl啦,哈哈!!!!!行到去尖東廣埸各自歸家了!!!!

今日聽到一把久違了既聲音,心中多左一份久違了既感覺

今日下午3點係沙田見完工後,馬上返大陸...因為約左以前羅湖既同事(肥仔&矮仔)去打保齡球,去到雄牛保齡既時候都成5點.....無去打咁耐估唔到有個工作人員仲認得我~~~勁!!!!!!!攞左球鞋馬上搵兩個fd啦,佢地好快已經打左3個games,立即換鞋同佢地比賽下啦,不過我無打成大半年而家都唔知打到幾多分(最醒嗰次打過217分),唉!!果然第1個game打得102分,好彩之後幾個games都打得好左好多最高打166分...打到手痛就走啦,打左7個games$8x7+鞋$5只係$61,正正正!!!!!跟住去左附近食'毛家飯店',環境唔錯架,d食品同'湘咢情'差不多,都幾好味...滿意呀!!!其間我地3個pk,仲攪到招呼我地既小妹笑逐顏開添,哈哈!!!!最後我地殺落東門買game同dvd啦,我就掃左'星矢,足球小將..等',佢地就掃xbox's game,我估唔到既係,原來買dvd既地方已經搬左上住宅了,可惜我近排都睇左d新戲,無戲要買,但係佢地買左成十幾隻...都幾驚,被人捉到就pk啦,過關------安全!!!!!!返到屋企都差唔多12點lu...........

衰既野仲未遠離我呀!!!!!公司一口氣抄左8個人,其中一個當然係我啦...唉!!!!!!話就話係生意差左所以要減人手(生意真係差左既),只不過係管倉個仆街做小動作整走d佢唔鍾意既人,都係怪自己唔識擦下鞋,唔識泊碼頭啦,最重要係抄我唔駛補咁多(因為我未過試用)吊佢老母........經過今次等大家知道佢個仆街有幾衰有幾陰險都好,各位同事要小心d.....昨日走既時候,大姑媽同家姐喊左出黎,攪到我都好傷心,真係唔知點好,無諗過會個個都喊哂!!!!!!其實今次走左後唔捨得多過唔開心囉,唔捨得既係一班同事(大姑媽,sik,信,家姐,嘉利,亞拉,亞詩,penny and fanny),同你地做野去玩都好開心放心啦!!!我地仲有大把機會去玩既,記得下個月係我生日添呀....

今日同sik,信去左沙田既就業中心搵野做,出去既時候同事話仆街公司又收12點,3個人搵完野做便一大班人去左飲荼吹水,見到佢地個個都眼腫腫咁一定又喊過,傷心傷心!!!!!只不過我地行早一步走先,仆街公司無生意既遲早都玩完架啦!!!大家應該開心d啦!!

大家收拾心情吧!搵工既搵工,工作繼續工作知道嗎?                我地既友誼唔會因為咁樣而無左既!!!